D'Fägi residiert neu in dr Walliser Stube!
Am Samschtig am 10i am Morge hän mir d'Lampe und dr Tisch in dr neui Stamm züglet. Ändlig wider sin die beide wider vereint und beläbe die Reschtaurant-Atmosphäre wider neu.
Trumpete, Posune, Horn, Sax, Bass, Pauke, egal was...
Mer sueche naii Mitglieder, wo s mit dr Musig e weneli ärnschdder maine. Numme drby sii, länggt ys nid. Jede Mittwuch ab de halbe achti broobè mer in dr Walliser Stube in dr Clarastrooss. Du bisch allewyyl willkommè um iine z loose oder au grad mit z spiilè. Hesch Luschdd bikoo? Schriib em Sebastian ybr vorstand (ätt) faegimusig.ch Es loohnt sich bestimmt.
Unterem Joor...
An zahlryyche Feschddli, Hochzyyte und Geburtsdääg hänn mir scho derfe ufspiilè. Wotsch du d Fägi-Musig au zue èmenè Aalass engagiere, so kasch diräggt unserem Musig-Scheff - em Kai - ybr vorstand (ätt) faegimusig.ch di Alygge schriibe. Mir fraien is in èmenè muusigkalische Rahme e Tail vo dim Feschddli z si.
An dr Fasnacht...
D Fasnacht isch e wichtige Bestandtail vom Fägilääbe. Z erschdd fraie mer ys uff d Vorfasnacht. Mer sind bi diverse Clique und Gugge uff Bsuech und gänn deert e Ständeli zem Beschdde. Natyyrligg sin mer au uff em Land in de Derfer bi de vyyle scheene Fasnachtsaaläss aazträffe. An de drei scheenschdde Daag in Basel git s denn kai Halte meh. Mir sin aktiv und im Goschdyym in dr ganze Stadt uff dr Gass unterwäggs.
Aktivi und Vorstand
Presi
Sebastian
Mühlemann
Pauke
Aktuar
Michel Lütolf
Trompete
Seggelmaischter
Stephan Eyer
Schlagzeug
Musikchef
Kai Sonnenrain
Shakers
Sämi Mühlemann
Bass
Martin Jäggi
Posaune
Christoph Ruckstuhl
Horn
Elia Suter
Es-Horn
Willy Conzett
Tschinelle
Walter Roth
Sopran-Sax
D Grindig vo dr Fägi-Musig Basler Musketiere 1982
Am 2. April 1982 isch d Frau Fasnacht im Reschtaurant Jägerhalle zem wiederhohlte Mol entbundè worde und d Basler Musketiere hänn s Liecht vo dr Wält erbliggt. Geburtshälfer sin 10 Fasnächtler gsi, mit dr Motivation ebbis Nais us z broobierè und um z setze und dodermit d Fasnachtsszene z belääbe. Nid Guggemuusig, sondern - "Fägi-Musig" - hett dr Usdrugg fyr unsere Stil miesse si. E aggtiv Verainslääbe s ganz Joor duure mit maximal 18 Mitglieder z feerderè, d Fasnacht z gniesse wie s ys grad gfallt und musikalisch unseri Meeglikaite us z loote und naii Ideè zem klinge z bringe, sin d Grundgedangge vo dr Fägi-Musig.
