Fasnacht 2023
Mir hän an dr disjöörige Fasnacht ganz nochem Vereinsgeischt gwirtschaftet und gröschteteils für ds Laufe uf dr Gass de andere Fasnachtsvereine dr Vortritt loh. E soo sin mir vom Käller zur Beiz
und vo dr Beiz zum Käller koh, in die richtig wo d'Fäginase halt grad gluegt het. Es paar Ständeli, z.B. oberhalb vom Schlüssel und im Imbergässli hän mir uns aber drotzdäm nid lo näh. Allne
Sympatisanthe wünsche mir jetz e gueti Erholig und hoffe, mir sehn is spötischtens am dritte Bummelsunndig.
> Fasnacht 2023
Trumpete, Posune, Horn, Sax, Bass, Pauke, egal was...
Mer sueche naii Mitglieder, wo s mit dr Musig e weneli ärnschdder maine. Numme drby sii, länggt ys nid. Jede Mittwuch ab de halbe achti broobè mer Klybeck-Casino bi dr Kaserne. Du bisch allewyyl willkommè um iine z loose oder au grad mit z spiilè. Hesch Luschdd bikoo? Schriib em Sebastian ybr vorstand (ätt) faegimusig.ch Es loohnt sich bestimmt.
Unterem Joor...
An zahlryyche Feschddli, Hochzyyte und Geburtsdääg hänn mir scho derfe ufspiilè. Wotsch du d Fägi-Musig au zue èmenè Aalass engagiere, so kasch diräggt unserem Musig-Scheff - em Michel - ybr vorstand (ätt) faegimusig.ch di Alygge schriibe. Mir fraien is in èmenè muusigkalische Rahme e Tail vo dim Feschddli z si.
An dr Fasnacht...
D Fasnacht isch e wichtige Bestandtail vom Fägilääbe. Z erschdd fraie mer ys uff d Vorfasnacht. Mer sind bi diverse Clique und Gugge uff Bsuech und gänn deert e Ständeli zem Beschdde. Natyyrligg sin mer au uff em Land in de Derfer bi de vyyle scheene Fasnachtsaaläss aazträffe. An de drei scheenschdde Daag in Basel git s denn kai Halte meh. Mir sin aktiv und im Goschdyym in dr ganze Stadt uff dr Gass unterwäggs.
Aktivi und Vorstand
Presi
Sebastian
Mühlemann
Pauke
Musikchef
Michel Lütolf
Trompete
Seggelmaischter
Stephan Eyer
Schlagzeug
Aktuar
Sämi Mühlemann
Bass
Martin Jäggi
Posaune
Colin Leubin
Horn
Walter Roth
Sax
Michele Falcone
Vortrab
D Grindig vo dr Fägi-Musig Basler Musketiere 1982
Am 2. April 1982 isch d Frau Fasnacht im Reschtaurant Jägerhalle zem wiederhohlte Mol entbundè worde und d Basler Musketiere hänn s Liecht vo dr Wält erbliggt. Geburtshälfer sin 10 Fasnächtler gsi, mit dr Motivation ebbis Nais us z broobierè und um z setze und dodermit d Fasnachtsszene z belääbe. Nid Guggemuusig, sondern - "Fägi-Musig" - hett dr Usdrugg fyr unsere Stil miesse si. E aggtiv Verainslääbe s ganz Joor duure mit maximal 18 Mitglieder z feerderè, d Fasnacht z gniesse wie s ys grad gfallt und musikalisch unseri Meeglikaite us z loote und naii Ideè zem klinge z bringe, sin d Grundgedangge vo dr Fägi-Musig.
